Imran Hussain 
آندھراپردیش ہائی کورٹ نے اسکل ڈیولپمنٹ اسکام معاملہ میں صدر تلگو دیشم پارٹی و سابق وزیراعلی این چندرا بابو نائیڈو کی مستقل ضمانت منظور کرلی ہے۔ چندرا بابو نائیڈو 28نومبر تک عبوری ضمانت پر تھے اس معاملہ میں مستقل ضمانت حاصل ہوگئی ہے۔تلگودیشم کی قانونی ٹیم کی نمائندگی کرنے والے ایڈوکیٹ سدھارتھ لترا نے عدالت میں دلائل پیش کئے جس کے بعد اے پی ہائیکورٹ نے انہیں مقدمہ میں مستقل ضمانت منظور کرلی۔
چندرابابو کو مکمل ضمانت پر تلگودیشم پارٹی کے لیڈر، کیڈر اور ہمدردوں میں خوشی کی لہر دوڑ گئی ہے۔ قبل ازیں اس ماہ کے اوائل میں نائیڈو کو اس معاملہ میں عبوری راحت دی گئی تھی جس پر وہ راجمندری جیل سے رہا ہوئے تھے۔
