Imran Hussain 
وزیراعلی تلنگانہ ریونت ریڈی کے جمعہ کو عادل آباد ضلع کے اندراویلی کے دورہ کے پیش نظر، ضلع انچارج وزیر سیتاکا نے آج انتظامات کا جائزہ لیا۔انہوں نے اس موقع پر میڈیا سے بات کرتے ہوئے الزام لگایا کہ پیشرو بی آرایس حکومت نے بے روزگارنوجوانوں کو دھوکہ دیا ہے۔انہوں نے کہاکہ بے روزگارنوجوانوں کو روزگار فراہم نہیں کیاگیا۔
وزیراعلی ریونت ریڈی بے روزگارنوجوانوں کو روزگار کے مواقع فراہم کرنے کے اقدامات کریں گے۔انہوں نے کہاکہ ضلع کے اسمرتی ونم میں مختلف پروگراموں میں وزیراعلی شرکت کریں گے۔ انہوں نے کہاکہ سری کونڈہ منڈلوں میں 45 کروڑ کی لاگت سے کئے جانے والے ترقیاتی کاموں کا آغاز سی ایم ، کے ہاتھوں ہوگا۔
