Imran Hussain 
آندھراپردیش کے راجمندری میں ماہی گیروں اورپولیس نے 40سالہ خاتون کو بچالیا جو خودکشی کے لئے دریائے گوداوری میں کود گئی تھی۔ عہدیداروں کے مطابق خاتون جس کی شناخت ڈی ناگالکشمی کے طورپر کی گئی ہے، نے خاندانی جھگڑوں پر تنگ آکر روڈ کم ریل بریج سے دریا میں کود گئی۔
اطلاع پرراجمندری ٹو ٹاون پولیس فوری طورپر وہاں پہنچ گئی جس نے ماہی گیروں کی مدد کی۔ان ماہی گیروں نے کشتی کے ذریعہ کافی جدوجہد کے بعد اس خاتون کو بچانے میں کامیابی حاصل کی۔پولیس نے خاتون کو پولیس اسٹیشن لا کر کونسلنگ کے بعد اس کے رشتہ داروں کے حوالہ کردیا۔
