Imran Hussain 
تلنگانہ بی جے پی، کے سابق صدر بنڈی سنجے نے کہا کہ اسدالدین اپنی گرفت کھونے کے خوف سے بیان بازی کررہے ہیں ۔ کریم نگر میں رام مندر افتتاح تقریب سے متعلق ایک پروگرام میں بی سنجے نے الزام لگایاکہ ایم آئی ایم ، سربراہ بیرسٹر اسد الدین اویسی اس مہینے کی 22 تاریخ کو ایودھیا میں ہونے والے رام مندر کے پروگرام کو متنازعہ بنا کر سیاسی فائدہ حاصل کرنے کی سازش کر رہے ہیں۔
بنڈی سنجے نےبتایاکہ اویسی نے کہا کہ اگر وہ جگہ جہاں 500 سال تک قرآن پڑھا جاتا تھا، کھو جائے تو کیا آپ کے دل میں دکھ نہیں ہے۔ انہوں نے کہا کہ وہ مسلم نوجوانوں کو مشتعل کرنے کی کوشش کر رہے ہیں۔ ان کا کہنا ہے کہ رام مندر افتتاحی پروگرام کو متنازعہ کرنے کی سازش کا حصہ ہے۔ انہوں نے 22 جنوری کو ہونے والے پروگرام کو کامیاب بنانے کی اپیل کی ہے۔
