Imran Hussain 
وائی ایس آر تلنگانہ پارٹی کی صدر وائی ایس شرمیلا نے کچھ دیر پہلے اپنے بھائی اور وائی ایس آر کانگریس کے صدر و چیف منسٹر آندھرا پردیش وائی ایس جگن موہن ریڈی سے ملاقات کی۔ وہ اپنے شوہر انیل اور بیٹے راجہ ریڈی کے ساتھ جگن کی قیامگاہ پہنچیں تھیں۔
شرمیلا اوران کے شوہرنے جگن کو اپنے بیٹے کی منگنی اور شادی میں شرکت کیلئے مدعو کیا۔ اس موقع پر انہوں نے جگن سے تقریباً 25 منٹ تک بات چیت کی۔ ان کے درمیان مختلف امور پر تبادلہ خیال کی اطلاعات ہیں۔
واضح رہےکہ شرمیلا آندھراپردیش کی سیاست میں سرگرم حصہ لینے والی ہیں۔ شرمیلا اپنی پارٹی کو کانگریس میں ضم کرنے کا فیصلہ کیا ہے۔اور 4 جنوری کو کانگریس اعلیٰ قیادت سے ملاقات کا وقت طے ہے۔ شرمیلا کو کانگریس پارٹی آندھراپر دیش میں اہم ذمہ داری دینے والی ہے۔
کانگریس کرناٹک اور تلنگانہ میں کامیابی کے بعد آندھراپردیش میں حکومت سازی کا منصوبہ بنا رہی ہے۔ شرمیلا کانگریس میں شامل ہوکر آندھرا پردیش کی سیاست میں سرگرم حصہ لیتی ہیں تو آنجہانی وائی ایس آر ، کےفرزند اور دختر یعنی جگن۔ شرمیلا ۔ بھائی ، بہن کا آمنا سامنا ہوگا۔
