Imran Hussain 
تلنگانہ کی اپوزیشن جماعت بی آرایس کے سابق رکن اسمبلی بالاراجو کی گرفتاری کے بعد ناگرکرنول میں کشیدگی دیکھی گئی۔ سابق رکن اسمبلی انتخابات کے بعد پہلی مرتبہ اچم پیٹ حلقہ پہنچے تھے تاہم پولیس نے ان کی گاڑی کو ویلڈنڈا کے قریب روک دیا اورگرفتار کرلیا۔
بالاراجو نے سوشیل میڈیا کے اہم پلیٹ فارم ایکس پر اس بات کی اطلاع دی۔ان کی گرفتاری کی مذمت کرتے ہوئے بی آرایس کے لیڈروں اور ورکرس نے پولیس اسٹیشن کے سامنے احتجاج کیا اور حکومت کے خلاف نعرے بازی کی۔ انہوں نے سابق رکن اسمبلی کی فوری رہائی کامطالبہ کیا اور کہا کہ کانگریس حکومت نے جان بوجھ کر سابق رکن اسمبلی کوگرفتار کروایا ہے۔
واضح بالا راجو پر انتخابی مہم کے دوران کانگریس کارکنوں کی جانب سے حملہ کیا گیاتھا۔اور ان کا حیدرآباد کے ایک اسپتال میں علاج کیا گیا ۔
