Imran Hussain 
بس میں فٹ بوڈنگ کرنے والی خاتون کو روکنے کی ناکام کوشش کے بعد اس خاتون کی شکایت کیلئے آرٹی سی بس کو پولیس اسٹیشن لے جاکرروک دیاگیا۔یہ واقعہ تلنگانہ میں منچریال سے کریم نگر جانے والی آرٹی سی بس میں پیش آیا۔
تفصیلات کے مطابق خاتون جس کی شناخت نہیں ہوسکی، پُرہجوم بس میں فٹ بوڈنگ کررہی تھی۔اس پر خاتون کنڈکٹرنے اعتراض کرتے ہوئے اس خاتون سے کہاکہ وہ بس کے اندرآجائے تاہم خاتون نے اس سے انکار کردیاجس پر خاتون کنڈکٹر نے ڈرائیورسے کہتے ہوئے بس کو سیدھا پولیس اسٹیشن کی طرف موڑدیا اورپولیس سے اس واقعہ کی شکایت کی۔
بعد ازاں پولیس نے اس خاتون کو سمجھایا اور اس بس کو اس کی منزل کی سمت لے جانے کی ہدایت دی۔اس واقعہ کا ویڈیو وائرل ہوگیا۔
