کاما ریڈی میں 6 افراد کے سنسنی خیز قتل کا معاملہ، ماں کے ساتھ مل کر دوست کے خاندان کا کیا صفایا

تلنگانہ میں ایک ہفتہ کے اندر ایک ہی خاندان کے 6 افراد کے سنسنی خیز قتل کے معاملے کو کاماریڈی پولیس نے حل کرلیا۔ ملزم پرشانت کو کاماریڈی ایس پی سندھو شرما نے میڈیا کے سامنے پیش کیا۔

ایس پی سندھو شرما کے مطابق ملزم پرشانت نے رقمی لین دین کے سلسلے میں سلسلہ وار قتل کیا ہے۔ قاتل پرشانت نے پرساد کی جائیداد بھی ہڑپنے کی سازش کی تھی، وہ ماضی میں پرساد سے لیا گیا قرض ادا کرنے سے قاصر تھا۔ ایس پی سندھو شرما نے کہا کہ پرشانت نے یہ سب کچھ اپنی ماں اوڈیماں کی مدد سے کیا۔ اس نے جائیدادیں اپنے نام پر منتقل کرنے کے بعد ان تمام کا قتل کیا۔

ملزم پرشانت نے 29 نومبر کو پہلے اپنے دوست پرساد، پھر یکم دسمبر کو پرساد کی بیوی سنویکا کو باسر پل پر اور چھوٹی بہن شروانی کو چیگنٹا میں پٹرول چھڑک کر قتل کیا ۔ 8 دسمبر کو پرساد نے دو بچوں کا گلا گھونٹ کر انہیں سون پل پر پھینک دیا۔ 13 دسمبر کو پرساد کی ایک اور چھوٹی بہن سوپنا کو بھومپلی میں گندھاری جاتے ہوئے پٹرول چھڑک کر آگ لگا دی گئی۔

پرساد کی ماں کو مارنے کی کوشش کے دوران پرشانت پولیس کے ہاتھوں پکڑا گیا۔ اصل ملزم پرشانت کے ساتھ ایک نابالغ لڑکا اور دو دیگر ملزمین بنوتھو وشنو اور بنوتھو ومسی کو گرفتار کیا گیا۔