ضلع کریم نگر میں ریچھ کی موجودگی سےعوام خوفزدہ

تلنگانہ ضلع کریم نگر کے ماناکنڈورعلاقہ میں ایک ریچھ انسانی آبادی میں آگیا جس سےمقامی لوگ خوفزدہ ہو گئے ہیں۔ منگل کی صبح کی اولین ساعتوں میں آبادی میں ریچھ ایک درخت پر نظر آیا۔ مقامی افراد میں تشویش کی لہردوڑگئی جن کا کہنا ہے کہ یہ ریچھ قریبی پہاڑیوں سے انسانی آبادی میں آگیا۔

ریچھ صبح تقریبا چاربجے مقامی مندرکے قریب واقع ایک مکان میں داخل ہونے کی کوشش کی ۔ تاہم آوارہ کتوں نے اس کا تعاقب کیا جس پر جنگلی جانور وہاں سے بھاگ گیا اور قریب میں واقع کریم نگر۔ورنگل قومی شاہراہ پر ایک درخت پر چڑھ گیا۔

اس کو دیکھنے کے لئے عوام کی بڑی تعداد وہاں جمع ہوگئی۔مقامی افراد نے محکمہ جنگلات کے عہدیداروں کو اس سلسلہ میں چوکس کیا جو وہاں پہنچ گئے۔