Imran Hussain 
ریاست مغربی بنگال کی ایک عدالت نے ترنمول کانگریس کے قائد شیخ شاہجہاں کو 10 دن کی پولیس تحویل میں دے دیا ہے۔ شیخ شاہجہاں کو انفورسمنٹ ڈائریکٹوریٹ کے عہدیداروں پر حملہ کرنے، جنسی زیادتی اور زمین پر قبضہ کے مبینہ معاملات کے سلسلے میں مغربی بنگال پولیس نے گرفتار کیا تھا جس کے بعد انھیں آج صبح تقریباً 10 بج کر 40 منٹ پر حاضرعدالت کیا گیا۔
9 فروری کو شیخ شاہجہاں کے خلاف مختلف شکایتیں درج کروائی گئی تھیں۔ ذرائع کے مطابق ان تمام شکایتوں کی جانچ کی جائے گی۔ تین دن پہلے کلکتہ ہائی کورٹ کے چیف جسٹس نے بھی شیخ شاہجہاں کو ای ڈی کے عہدیداران پر حملے سے متعلق معاملہ میں منسلک کرنے کا حکم دیا تھا۔ ہائی کورٹ نے اِس سلسلے میں یہ کہتے ہوئے ایک نوٹس جاری کرنے کو کہا تھا کہ شیخ شاہجہاں کو گرفتار نہ کرنے کی کوئی وجہ نہیں ہے۔
