Imran Hussain 
ممبئی میں 6 مقامات پر بم رکھے جانے کی اطلاع دی گئی جو جھوٹی ثابت ہوئی۔ تفصیلات کے مطابق آج ٹریفک پولیس کنٹرول روم کی ہیلپ لائن کے واٹس ایپ نمبر پر ایک اجنبی نے فون کیا اور اس نے بتایا کہ شہر کے چھ مقامات پر بم رکھے گئے ہیں۔
ٹریفک پولیس نے فوری لااینڈ آرڈر کے عملہ کو چوکس کیا۔ کرائم برانچ اینٹی ٹیررزم اسکواڈ کا عملہ متحرک ہو گیا اور بڑے پیمانے پر شہر کے کئی مقامات کی تلاشی لی گئی تاہم پولیس کو کچھ بھی دستیاب نہیں ہوا اور یہ اطلاع جھوٹی ثابت ہوئی۔
پولیس نے جھوٹا فون کال کرنے والے شخص کے خلاف کیس درج کر کے چھان بین شروع کر دی ہے اور اس کا پتہ چلانے کے لیے خصوصی ٹیمیں تشکیل دی گئی ہیں۔
