Imran Hussain 
گیان واپی مسجد کے تہہ خانہ میں پوجا پر روک لگانے سے الہ آباد ہائی کورٹ نے انکار کر دیا ہے۔تہہ خانہ میں پوجا پر روک لگانے کی درخواست عدالت میں داخل کی گئی تھی۔ مسلم فریق نے اپنا موقف پیش کیا اس کے بعد ہندو فریق نے بھی دلائل پیش کیے۔
عدالت نے اس مقدمہ کی اگلی سماعت 6 فروری تک کے لیے ملتوی کر دی ہے اور اس وقت تک تہہ
خانہ میں پوجا پر پابندی لگانے سے انکار کر دیا۔ واضح رہے کہ گیانواپی مسجد کے تہہ خانے میں راتوں رات پوجا شروع کرنے کے بعد مسلم فریق سپریم کورٹ سے رجوع ہوا تھا تاہم عدالت عظمی نے درخواست پر سماعت سے انکار کر دیا تھا اور اس مسئلہ کو الہ آباد ہائی کورٹ سے رجوع کرنے کی ہدایت دی تھی۔
