Imran Hussain 
آندھرا پردیش کے ضلع تروپتی میں پرائیویٹ ٹراویلس کی بس الٹ گئی جس میں تقریبا 37مسافرین زخمی ہوگئے۔ یہ حادثہ ضلع کے چندراگری منڈل کے بھاکراپیٹ۔کنوما شاہراہ پر آج صبح اُس وقت پیش آیا جب بس کے ڈرائیور نے اس کا توازن کھودیا اور یہ بس الٹ گئی۔
یہ بس اننت پور ضلع سے چینئی کی سمت جارہی تھی کہ اس کے ڈرائیور نے اس کا توازن کھودیا جس کے نتیجہ میں یہ بس الٹ گئی اور بس کے مسافرین زخمی ہوگئے۔اطلاع ملتے ہی پولیس وہاں پہنچی جس نے زخمیوں کو علاج کے لئے تروپتی کے رویا اسپتال منتقل کردیا۔
