Imran Hussain 
ریاست آندھرا پردیش ضلع اننت پور کی پولیس نے ایک کروڑ 75 لاکھ روپے نقد رقم ضبط کر لی۔ پولیس کے مطابق ویڑا کاناکلو چیک پوسٹ کے پاس کار میں رقم منتقل کی جا رہی تھی جسے ضبط کر لیا گیا۔ یہ رقم بنگلور منتقل کی جا رہی تھی۔
بلاری کی سمت سے آنے والی کار کو پولیس نے روک کر تلاشی لی تو اس میں سے نقد رقم برآمد ہوئی۔ پولیس نے کار ڈرائیور کو حراست میں لے لیا۔ اس نے اپنے اقبالی بیان میں بتایا کہ یہ رقم بنگلور منتقل کی جا رہی تھی وہ رقم سے متعلق دستاویز دکھانے میں ناکام رہا جس پر یہ کاروائی کی گئی۔ مزید تحقیقات جاری ہے۔
