Imran Hussain 
ریاست مہاراشٹرا کے ممبئی میں دیوار منہدم ہونے کے نتیجہ میں دو افراد ہلاک اورایک زخمی ہوگیا۔ یہ حادثہ فلم سٹی کے قریب پیش آیا۔
ذرائع کےمطابق فلم سٹی کے گیٹ نمبر 2 کے قریب ایک اونچی دیوار اچانک منہدم ہو گئی مہلوکین کی شناخت 32 سالہ سنٹو منڈل اور 45 سالہ جے دیو پرہلاد بسواس کے طور پر کی گئی ہے۔ دیوار منہدم ہونے کی اطلاع کے ساتھ ہی پولیس اورفائر بریگیڈ کے عملہ نے وہاں پہنچ کر بچاو اورراحت کاری کا کام کیا۔
زخمی کو علاج کیلئے ہاسپٹل لے جایا گیا جہاں اس کی حالت خطرہ سے باہربتائی گئی ہے۔ حادثہ کےبعد پولیس نے اس معاملہ میں کیس درج کرکے تحقیقات کا آغاز کردیا ہے۔
