Imran Hussain 
ویمنز ایشیا کپ ٹی 20کے پہلے سیمی فائنل میں بھارتی ویمنز ٹیم نے بنگلادیش کو 10 وکٹوں سے شکست دے کر فائنل میں پہنچ گئی ہے ۔سری لنکا کے شہر دمبولا میں کھیلے گئے سیمی فائنل میں بنگلادیش ویمنز ٹیم نے ٹاس جیت کرپہلے بیٹنگ کا فیصلہ کیا ۔
بھارتی ویمنز ٹیم کی شاندار بولنگ کے آگے بنگلادیش ویمنز ٹیم مقررہ 20 اوورز میں صرف 8 وکٹوں کے نقصان پر 80 رنز بنا سکی۔ بنگلہ دیش ٹیم کی کپتان نگار سلطان 32 رنز کے ساتھ نمایاں رہیں۔ دیگرکھلاڑٰی بھارتی باولنگ کے آگے ٹک نہیں سکیں۔
بھارتی ویمنز ٹیم کی جانب سے رینوکاسنگھ اور رادھا نے 3، 3 وکٹیں حاصل کیں۔بنگلادیش کی جانب سے دیا گیا 81 رنز کا ہدف بھارتی ویمنز ٹیم نے با آسانی بغیر کوئی وکٹ کھوئے 11 اوورز میں حاصل کرلیا۔یوں بھارتی ویمنز ٹیم نے 10 وکٹوں سے کامیابی حاصل کرتے ہوئے ایشیا کپ کے فائنل کے لیے کوالیفائی کرلیا۔
دوسرے سیمی فائنل میں سری لنکا نے پاکستان کو 3 وکٹ سے شکست دی۔اب فائنل مقابلہ 28 جولائی کوبھارت اور سری لنکا کے درمیان کھیلا جائے گا۔
