Imran Hussain 
حیدرآباد کی ہمایوں نگر پولیس نے ایک سارق کو گرفتار کر لیا۔ پولیس نے بتایا کہ سنگا ریڈی گورنمنٹ ہاسپٹل کے ڈاکٹر شبیر احمد شہر کے علاقہ اندرا نگر میں رہتے ہیں۔ ان کے مکان سے 2 جنوری کو 14 لاکھ روپے نقدی کا سرقہ کر لیا گیا تھا۔
پولیس نے اس معاملہ میں کیس درج کر کے چھان بین کرتے ہوئے سی سی ٹی وی فوٹیج کی مدد سے سارق کو گرفتار کر لیا۔جس کی شناخت 27 سالہ محمد اسحاق کے طور پر کی گئی ہے۔ وہ سابق میں ڈاکٹر شبیر کے پاس ملازمت کیا کرتا تھا اس کا ان کے گھر آنا جانا تھا اور وہ رقم کہاں رکھی ہوئی ہے اس بات سے بخوبی واقف تھا۔
دو جنوری کو وہ ڈاکٹر کے گھر برقعہ پہن کر پہنچا اور اس نے وہاں سے نقد رقم کا سرقہ کر لیا تھا۔ پولیس نے ملزم کو گرفتار کر کے رقم بر آمد کر لی۔
