شادی کے نام پر خاتون کاجنسی استحصال ۔ کانسٹیبل کے خلاف مقدمہ درج

شادی کے نام پر خاتون کا جنسی استحصال کرتے ہوئے دھوکہ دینے پر ایک پولیس کانسٹیبل کے خلاف شہرحیدرآباد کے رام گوپال پیٹ پولیس اسٹیشن میں مقدمہ درج کرلیاگیا۔ یہ کانسٹیبل،گن مین کے طورپر کام کررہا تھا۔

کانسٹیبل نے خاتون سے بیگم پیٹ ایرپورٹ پر ملاقات کی تھی جس کے بعد یہ دونوں ایک دوسرے کے دوست بن گئے۔ کانسٹیبل نے خاتون سے شادی کا وعدہ کرتے ہوئے اس کا جنسی استحصال کیااور بعد ازاں اس کو نظرانداز کرنے لگا۔ خاتون کی شکایت پر رام گوپال پیٹ پولیس نے اس سلسلہ میں کانسٹیبل کے خلاف مقدمہ درج کرلیا۔ جانچ جاری ہے۔