Imran Hussain 
محکمہ سیول سپلائیز نے راشن کارڈ رکھنے والوں کو31 جنوری 2024 تک ای کے وائی سی مکمل کرنے کی ہدایت دی ہے ۔ سیول سپلائیز کمشنر دیویندر سنگھ چوہان نے ہفتے کے روز احکام جاری کیا کہ راشن کارڈ رکھنے والوں کو 31 جنوری تک ای-کے وائی سی مکمل کرنا چاہیے۔
راشن ڈیلر دو ماہ سے ای-کے وائی سی حاصل کر رہے ہیں۔ اس کے لیے آدھار کی تصدیق، انگلیوں کے نشانات اور آنکھ کی پتلی کی شناخت لی جا رہی ہے۔ ہفتہ تک پوری ریاست میں یہ عمل 70.80 فیصد مکمل ہو چکا ہے میڑچل ملکا جیگری ضلع 87.81 فیصد اندراج کے ساتھ پہلے نمبر پر ہے۔ 54.17 فیصد کے ساتھ ونپرتی ضلع سب سے کم ہے۔
کے وائی سی کا یہ عمل ریاست بھر میں جاری رہے گا۔ عہدیداروں نے ان لوگوں کو مشورہ دیا ہے جنہوں نے راشن کارڈ کو کے وائی سی نہیں کروایا ہے وہ اسے 31 جنوری سے پہلے مکمل کرلیں۔
