Imran Hussain 
شہرحیدرآباد میں حالیہ دنوں کے دوران قتل کی وارداتوں میں اضافہ کے پیش نظر پولیس نے سخت چوکسی اختیار کی ہے۔پولیس کی جانب سے رات میں پٹرولنگ میں شدت پیداکی جارہی ہے اور دکانات کو 10.30بجے شب بند کروایاجارہا ہے۔
اسی کے حصہ کے طورپر کل شب سعیدآباد پولیس نے چمپاپیٹ، سنتوش نگر، چادر گھاٹ، ملک پیٹ، سعیدآباد کے آس پاس کے علاقوں میں خصوصی مہم چلائی۔ہوٹل، پان شاپس، فاسٹ فوڈ سنٹرس کو بند کروایاگیا۔اس موقع پر مشتبہ نوجوانوں کو حراست میں لے کر ان سے پوچھ گچھ کی گئی اور رات کو سڑکوں پر آوارہ گھومنے والے نوجوانوں کی کونسلنگ کی گئی۔
