کوویڈ کی نئی ذیلی شکل سے خوفزدہ ہونے کی ضرورت نہیں:ڈائرکٹرطبی تعلیم تلنگانہ

ڈائرکٹرطبی تعلیم تلنگانہ ڈاکٹر تریوینی نے کہا ہے کہ کوویڈ کی نئی ذیلی شکل جے این 1 سے خوفزدہ ہونے کی ضرورت نہیں ہے۔ انہوں نے زوردیتے ہوئے کہا کہ اومیکرون کم موثر تھا اور اب اس کا ذیلی ویرینٹ جے این ون بھی کم موثر ہے۔

جے این 1سے متاثر ہونے والوں کو ماضی کی طرح آکسیجن ایمرجنسی کی ضرورت نہیں ہوگی تاہم ایمرجنسی کی صورت میں آکسیجن تیار رکھا گیا ہے۔ انہوں نے کہاکہ کوویڈ کی علامات والے افراد کے معائنے روزانہ کروائے جارہے ہیں؟ انہوں نے کہا کہ سرکاری اسپتالوں عثمانیہ، چیسٹ اور گاندھی میں تمام انتظامات کئے گئے ہیں۔ انہوں نے کہاکہ ڈاکٹرس آر ٹی پی سی آر ٹسٹ کرانے کے لیے تیار ہیں جنہیں اس کی ضرورت ہے۔ انہوں نے کہا کہ نئے سال کی تقاریب کے بعد نئے معاملات میں اضافہ کا امکان ہے۔