جائیداد کا تنازعہ: حیدرآباد میں بھائی کے ہاتھوں بھائی کا قتل

حیدرآباد میلاردیو پلی پولیس اسٹیشن کے حدود میں ایک بھائی نے بھائی کا قتل کردیا ۔ فوری ملی اطلاعات کے مطابق شاستری پورم کے رہنے والے اسماعیل نامی شخص نے اپنے بھائی رحمان کا بے دردی سے گلا کاٹ کر قتل کر دیا، قتل کی وجہ جائیداد کا تنازعہ سمجھی جا رہی ہے۔

پولیس نے مقام واقع پر پہنچ کر نعش کو پوسٹ مارٹم کے لیے عثمانیہ ہاسپٹل کے مردہ خانہ میں محفوظ کروا دیا اور مختلف زاویوں سے اس واقعہ کی تحقیقات کر رہی ہے۔ مزید تفصیلات کا انتظار ہے۔ اس واردات کے ساتھ ہی علاقہ میں سنسنی پھیل گئی۔