Imran Hussain 
پولیس نے قواعد کی خلاف ورزی کے ذریعہ چلائے جانے والے شہرحیدرآباد کے 6پبس کے انتظامیہ کے خلاف مقدمہ درج کرلیا۔ ذرائع کے مطابق نئے سال کی تقاریب کے اہتمام کیلئے دیئے گئے وقت سے زائد وقت تک پبس کو کھلارکھتے ہوئے قواعد کی خلاف ورزی پر یہ مقدمات درج کئے گئے۔
بتایاجاتا ہے کہ زائد آواز سے پبس میں گانے بھی بجائے گئے تھے جس سے مقامی افراد کو مشکلات کاسامناکرناپڑاتھا۔ واضح رہے کہ قبل ازیں پولیس نے پبس انتظامیہ کو نئے سال کی تقاریب کے موقع پر قواعد کی خلاف ورزی پر سخت کارروائی کاانتباہ دیا تھا۔
