Imran Hussain 
تلنگانہ کے وزیر ٹرانسپورٹ پونم پربھاکر نے کہا ہے کہ ریاست میں کانگریس حکومت تلنگانہ کے عوام کی خواہش کے مطابق تشکیل دی گئی ہے۔ انہوں نے ایکادشی کے موقع پر کہا کہ عوام نے دس سالوں کے دوران بی آرایس حکومت سے کوئی فائدہ نہیں اٹھایا۔ پنشن نہیں ملی،ملازمت نہیں ملی ، اور کئی مشکلات کا سامنا کرنا پڑا۔
پونم پر بھاکر نےالزام لگایا کہ بی آر ایس کی حکمرانی مناسب نہیں تھی۔ عوام کو انصاف فراہم کرنے میں بی آرایس حکومت ناکام ہوگئی۔ انہوں نے کہاکہ وہ ریاستی وزیر کی حیثیت سے تلنگانہ کے عوام کی خواہش کو پورا کرنے کے لیے مساعی کریں گے۔ انہوں نے کہا کہ کانگریس پارٹی کی طرف سے دی گئی 6 ضمانتوں کو پورا کیا جائےگا اور عوامی مسائل کو حل کرنے کے اقدامات کئے جائیں گے۔
