سپریم کورٹ کے، ایس سی ذیلی زمرہ بندی فیصلے کا ریونت ریڈی نے کیا خیرمقدم

حیدرآباد: تلنگانہ کے چیف منسٹر اے ریونت ریڈی نے درج فہرست ذاتوں ایس سی کی ذیلی زمرہ بندی پر سپریم کورٹ کے فیصلے کا خیر مقدم کیا۔ جمعرات کو اسمبلی میں ایک بیان دیتے ہوئے، ریونت ریڈی نے سپریم کورٹ کی آئینی بنچ کے ذریعہ دیے گئے فیصلے کا شکریہ ادا کیا جس میں ایس سی کی ذیلی زمرہ بندی کی حمایت کی گئی، جس میں مادیگا اور مالا ذیلی ذاتیں شامل ہیں۔

چیف منسٹر نے یاد دلایا کہ پچھلی بی آر ایس حکومت نے کانگریس ایم ایل اے سمپت کمار کو ایس سی ذیلی زمرہ بندی پر تحریک التواء پیش کرنے پر معطل کردیا تھا۔ انہوں نے یہ بھی دعویٰ کیا کہ 23 ​​دسمبر 2023 کو نائب وزیر اعلی بھٹی وکرامارکا اور وزیر صحت دامودر راجہ نرسمہا نے قانونی ماہرین کے ساتھ دلائل پیش کرنے کے لیے ایڈوکیٹ جنرل کو سپریم کورٹ بھیجا تھا۔

وزیراعلیٰ نے کہا کہ”تلنگانہ حکومت کی کوششوں کا نتیجہ نکلا ہے، اور سپریم کورٹ کے فیصلے کا تہہ دل سے خیرمقدم کیا گیا ہے۔ ریاستی حکومت نے سپریم کورٹ کے حکم کے مطابق ایس سی، کی ذیلی زمرہ بندی کو اے، بی سی اور ڈی کرنے کا فیصلہ کیا ہے۔ “۔ وزیر اعلیٰ نے کہا کہ ان کی حکومت اس بات کو یقینی بنانے کے لیے ضروری اقدامات کرے گی کہ مادیگا اور مالا ذیلی ذاتوں کے لیے موجودہ ملازمتوں کے نوٹیفیکیشن میں ریزرویشن کو لاگو کیا جائے۔ انہوں نے اعلان کیا کہ ضرورت پڑنے پر حکومت اس عمل کو آسان بنانے کے لیے ایک آرڈیننس پیش کرے گی۔

یہ بھی پڑھیں:

بی آر ایس نے کیا ایس سی کی درجہ بندی پر سپریم کورٹ کے فیصلے کا خیرمقدم

سپریم کورٹ نے سنایا تاریخی فیصلہ،ایس سی اور ایس ٹی میں ذیلی درجہ بندی کی ملی منظوری،