Imran Hussain 
اے آئی سی سی کے جنرل سکریٹری کے سی وینوگوپال نے تلنگانہ کانگریس کے لیڈروں کو مشورہ دیا ہے کہ وہ لوک سبھا انتخابات میں زیادہ نشستوں پرکامیابی کے لیے منصوبہ تیار کریں۔
کےسی وینوگوپال نےشہرحیدرآباد کی شمس آباد پورٹ گرانڈ ہوٹل میں اے پی پی سی سی صدر وائی ایس شرمیلا کے بیٹے کے استقبالیہ میں شرکت کے بعد 11 بجے شب ہوٹل تاج کرشنا میں وزیراعلی ریونت ریڈی سے ملاقات کی۔اس موقع پر ریاستی کانگریس امور کی انچارج دیپا داس منشی،نائب وزیراعلی ملوبھٹی وکرامارکا، وزراء اتم کمارریڈی، پی سرینواس ریڈی، پونم پربھاکربھی موجود تھے۔
اس اجلاس کے موقع پر ریاست کی تازہ سیاسی صورتحال سے کے سی وینوگوپال نے واقفیت حاصل کی۔ ساتھ ہی لوک سبھا کے امیدواروں کا انتخاب، دیگر پارٹیوں کے لیڈروں کی کانگریس میں شمولیت، نامزد عہدوں کو پُرکرنے،اور پارٹی کی جنرل سکریٹری پرینکا گاندھی کی تلنگانہ آمد کے مسئلہ پر تبادلہ خیال کیا گیا۔
