Imran Hussain 
ریاست تلنگانہ کے ضلع میدک میں دن دہاڑے کار کا شیشہ توڑ کر رقم کی چوری کرلی گئی۔ یہ واقعہ چیگنٹہ منڈل مستقر میں سیتارام نگر کالونی میں جمعہ پیش آیا۔
تفصیلات کے مطابق وشنو وردھن ریڈی نامی شخص نے یونین بینک سے پانچ لاکھ روپئے نقد رقم نکالی تھی۔ وہ رقم لے کر کار میں گھرپہنچے، کار گھرکے سامنے پارک کی اوروہ رقم کارمیں رکھ کر چائے پینے کیلئے گھرمیں داخل ہوئے۔
اسی دوران نامعلوم سارقین نے کار کے شیشہ توڑ کر رقم کی چوری کرلی اورفرار ہوگئے۔ وشنو وردھن ریڈی کی شکایت پر پولیس نے کیس درج کرکے تحقیقات شروع کردی۔ سی سی ٹی وی فوٹیج کا جائزہ لیا جارہا ہے۔
