Imran Hussain 
نئے سال کی تقریب میں شرکت کے بعد واپسی کے دوران پیش آئے سڑک حادثہ میں ماں اوربیٹی ہلاک ہوگئے۔یہ حادثہ تلنگانہ کے ضلع منچریال میں پیش آیا۔مہلوکین کی شناخت نرملااورسواتی کے طورپر کی گئی ہے۔
دونوں نئے سال کے موقع پر چرچ میں منعقدہ دعائیہ اجتماع میں شرکت کے بعد کل شب واپس ہورہی تھیں کہ سڑک عبور کرنے کے دوران تیز رفتار بولیرو گاڑی نے انہیں ٹکردے دی۔
حادثہ اتناشدید تھا کہ دونوں ماں اوربیٹی موقع پرہی ہلاک ہوگئے۔اطلاع ملتے ہی پولیس وہاں پہنچی جس نے ان کی لاشوں کو پوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔
