Imran Hussain 
درندہ صفت بیٹے نے کلہاڑی سے حملہ کر کے اپنی ماں کا قتل کر دیا۔ یہ سنسنی خیز واردات ریاست تلنگانہ کے جئے شنکر بھوپال پلی ضلع میں پیش آئی۔ ریگنڈہ منڈل کے ترملیگری موضع سے تعلق رکھنے والے ذہنی طور پر متاثر بیٹے نے اپنی ماں کا قتل کر دیا۔
بتایا گیا ہے کہ راجی ریڈی نامی نوجوان کا ذہنی توازن ٹھیک نہیں تھا۔ کل رات دیر گئے اس نے اپنی ماں ہیماوتی پر حملہ کر کے اس کا قتل کر دیا۔ پڑوسی خاتون للیتا نے بیچ بچاؤ کی کوشش کی تو اس نوجوان نے اس پر بھی حملہ کر دیا ،جس کے نتیجے میں وہ بھی زخمی ہو گئی۔
ماں اور پڑوسن پر حملہ کرنے کے بعد دوسروں پر بھی حملہ کر کے نوجوان فرار ہونے کی کوشش کر رہا تھا کہ مقامی افراد نے اسے پکڑ کر اس کے ہاتھ پاؤں باندھ دیے اور پولیس کو اطلاع دی۔
