امرآباد ٹائیگر ریزرو میں ہرن کے غیر قانونی شکار کے الزام میں چھ گرفتار

حیدرآباد: محکمہ جنگلات کے عہدیداروں نے امرآباد ٹائیگر ریزرو میں ایک سانبر ہرن کے غیر قانونی شکار اور قتل کے سلسلے میں چھ افراد کو گرفتار کیا ہے۔ امرآباد رینج آفیسر گرو پرساد کے مطابق، یہ واقعہ 30 ستمبر کو سرلاپلی کے قریب جنگلاتی سرحدی علاقے میں پیش آیا، جہاں کچھ لوگوں کے ہرن کو شکار کرکے مار ڈالنے کی اطلاع ملی۔

اطلاع ملنے پر محکمہ جنگلات کے اہلکاروں نے علاقے میں سرچ آپریشن کیا جس کے نتیجے میں چھ مشتبہ افراد کو حراست میں لے لیا گیا۔ گرفتار افراد کی شناخت منڈلی ملیش، منڈلی چینہ ملیا، شیلم ایدایہ، گوراٹی سرینو، آرتھی کونڈالو سرلا پلی اور وریکوپلا رمیش ساکنہ سرور نگر ضلع رنگاریڈی کے طور پر کی گئی ہے۔

ملزمین پر وائلڈ لائف پروٹیکشن ایکٹ1997 کے تحت فرد جرم عائد کیا گیا۔ جمعرات کو ملزمین کو عدالت میں پیش کیا گیا، جہاں انہیں 14 دن کے لیے عدالتی تحویل میں بھیج دیا گیا، جیسا کہ رینج آفیسر گرو پرساد نے تصدیق کی۔ امرآباد ٹائیگر ریزرو، جو اپنی بھرپور وائیلڈ لائیف کے لیے جانا جاتا ہے، تلنگانہ میں تحفظ کے اہم علاقوں میں سے ایک ہے۔ چھ شکاریوں کی گرفتاری جنگلات کے حکام کی جانب سے غیر قانونی شکار کی سرگرمیوں کے خلاف کریک ڈاؤن اور خطے میں جنگلی حیات کے تحفظ کو یقینی بنانے کے لیے جاری کوششوں کا حصہ ہے۔