Imran Hussain 
وقارآباد ضلع کے چودھا پور میں ایک شخص آنگن واڑی مرکز کے مرغی کے انڈے کھلے بازار میں فروخت کرتاہوا پکڑا گیا۔ طلبہ کو دیئے جانے والے مرغی کے انڈے کھلے بازار میں 5روپے کے حساب سے فروخت کئے گئے۔
اس واقعہ نے مقامی افراد کو حیرت زدہ کردیا۔ان انڈوں پر سرکاری مہر لگنے کے باوجود یہ انڈے بے خوفی سے فروخت کئے گئے۔اس بارے میں پوچھے جانے پر اس شخص نے کہا کہ سنگاریڈی ضلع کے توپران کے وینکٹیش نامی شخص نے اسے یہ انڈے فراہم کئے۔ جب وینکٹیش سے پوچھا گیاتو اس نے کہا کہ وہ ایک گاڑی کا ڈرائیور ہے جو آنگن واڑی مراکز کو مرغی کے انڈے سپلائی کرتی ہے۔
مقامی افراد نے حکام سے مطالبہ ہے کہ ان افرادکے خلاف کارروائی کی جائے جو مرغی کے انڈے طلبہ کو فراہم کرنے کے بجائے کھلے بازار میں فروخت کررہے ہیں۔
