آندھرا پردیش، ضلع نیلور میں سڑک حادثہ، چھ افراد ہلاک، 15زخمی

آندھرا پردیش کے ضلع نیلور کے مسونورو ٹول پلازہ پر ہفتہ کی صبح دو ٹرکوں اور ایک پرائیویٹ بس کے درمیان زبردست ٹکر ہوئی ہے۔ اس حادثے میں چھ افراد کی موت ہو گئی اور 15 سے زیادہ افراد زخمی ہو گئے ہیں ۔

ایک ٹرک دو بیلوں کو لے کر سریکالہستی جا رہا تھا، پیچھے سے لوہے سے لدے دوسرے ٹرک سے ٹکرا گیا۔ ہوہے سے لدے ٹرک کے ڈرائیور نے گاڑی پر کنٹرول کھو دیا اور مخالف سمت سے آنے والی پرائیویٹ بس کو ٹکر مار دی۔ اس سڑک حادثے میں چار لوگوں کی موقع پر ہی موت ہو گئی۔ حادثے میں زخمی افراد کو فی الفور نیلور کے سرکاری ہاسپٹل منتقل کیا گیا۔

پولیس نے بتایا کہ نیلور کے سرکاری ہسپتال میں دو افراد کی علاج کے دوران موت ہو گئی۔ پولیس نے مقدمہ درج کر لیا ہے۔ جانچ جاری ہے۔