Imran Hussain 
وزیراعظم نریندر مودی نے کہا ہے کہ عام انتخابات کے پیش نظر من کی بات پروگرام کو تین ماہ تک کے لئے وقفہ دیا جارہا ہے۔ تازہ طورپر اس پروگرام کے 110 ویں ایڈیشن سے خطاب کرتے ہوئے وزیراعظم نے کہا کہ سابق کی طرح اس مارچ میں انتخابی ضابطہ اخلاق کے نفاذ کا امکان ہے۔
اسی کے پیش نظر تین ماہ تک کے لئے من کی بات پروگرام کو وقفہ دیا جارہا ہے۔ انھوں نے مزید کہا کہ اب وہ عوام سےمن کی بات کے 111 ویں ایڈیشن میں اپنے خیالات کا اظہار کریں گے۔ تاہم انھوں نے کہا کہ لوگ ہیش ٹیگ من کی بات کے ساتھ سوشل میڈیا پر سماج اور ملک کی حصولیابیوں کے بارے میں پوسٹ کرنا جاری رکھیں۔
