Imran Hussain 
پولیس کی موجودگی میں شراب کی لوٹ
گنٹور: آندھرا پردیش کے گنٹور میں شرابیوں نے ضبط شدہ شراب کو تلف کرنے کے دوران شراب کو لوٹنے کی کوشش کی۔ اسی دوران افراتفری پھیل گئی۔
یہ واقعہ ایتوکورو روڈ پر واقع ایک ڈمپنگ یارڈ میں پیش آیا، جہاں پولیس غیر قانونی شراب کو ٹھکانے لگا رہی تھی، جسے مختلف معاملات میں ضبط کیا گیا تھا۔ ضبط کی گئی شراب کی مالیت 50 لاکھ روپے بتائی گئی ہے۔ جب پولیس شراب کو بلڈوز کے ذریعہ ضائع کر رہی تھی، کئی افراد بوتلوں کی طرف لپک پڑے، پولیس کی موجود گی میں شراب کی بوتلیں پکڑ کر موقع سے فرار ہو گئے۔
پولیس اہلکاروں کی موجودگی کے باوجود کچھ لوگ شراب لے کر فرار ہونے میں کامیاب ہو گئے۔ پولیس شراب لوٹنے میں ملوث افراد کی شناخت کے لیے واقعے کی مزید تفتیش کر رہی ہے۔
یہ بھی پڑھیں:
