Imran Hussain 
چیف منسٹرتلنگانہ چندرشیکھر راؤ نے کہا ہے کہ جمہوریت میں ووٹ عوام کو حاصل ایک ہتھیار ہے۔انہوں نے عوام سے کہا کہ آپ کا ووٹ آپ کے اپنے مستقبل کے ساتھ ساتھ ریاست کے مستقبل کا بھی فیصلہ کرے گا۔ وہ آج مدھیرا میں انتخابی جلسہ عام سے خطاب کر رہے تھے۔ کے سی آر نے کہا کہ بی آر ایس کا قیام ہی تلنگانہ کے لیے ہوا ہے اور پچھلے 10 سال کے دوران شفافیت کے ساتھ عوامی خدمات انجام دی گئی اور آج تلنگانہ تمام شعبوں میں سر فہرست ہے۔
تلنگانہ وزیراعلیٰ نے الزام لگایاکہ کانگریس نے 50 سال تک عوام کو دھوکہ دیا ہے اور کانگریس کے دور اقتدار میں عوام کی اور کسانوں کی کیا حالت تھی اس سے سبھی واقف ہیں۔ بی آر ایس سربراہ نے یہ بھی کہا کہ زبردستی تلنگانہ کو آندھرا میں کانگریس نے ہی شامل کیا تھا۔ کے سی آر نے پیش قیاسی کی کہ کانگریس کو 20 نشستیں آئیں گی جب کہ بھاری اکثریت کے ساتھ بی آر ایس اقتدار پر واپس ہوگی۔ انہوں نے عوام سے مدھیرا میں کمل راج کو کامیابی سے ہمکنار کرنے کی اپیل کی ہے
