دہلی میں وزیر اعلی نے‌مشترکہ اثاثوں کی تقسیم کا لیا جائزہ۔ریاستی ثقافتی عکس پر مشتمل نئے تلنگانہ بھون کی تعمیر پرکیا تبادلہ خیال

تلنگانہ کے وزیراعلیٰ اے ریونت ریڈی نے کہا کہ قومی دارالحکومت نئی دہلی میں تلنگانہ کی ثقافت کی عکاسی کرتا ہوا ایک نیا تلنگانہ بھون تعمیر کیا جائے گا۔ نئی دہلی کے تلنگانہ/آندھرا پردیش بھون میں، وزیر اعلیٰ ریونت ریڈی نے دونوں ریاستوں کے درمیان مشترکہ اثاثوں کی تقسیم پر توجہ مرکوز کی۔

ریونت ریڈی نے منگل کو نئی دہلی میں اپنی رہائش گاہ پر تلنگانہ بھون کے ریزیڈنٹ کمشنر گورو اپل اور بھون کے او ایس ڈی سنجے جاجو کے ساتھ اس معاملے پر جائزہ لیا۔ سی ایم ، نے عمارت کا کل رقبہ اور دیگر تفصیلات حاصل کیں ۔وزیر اعلیٰ نے عمارتوں کی تفصیلات، ان کی حالت اور اس میں تلنگانہ کی حصہ داری کے بارے میں دریافت کیا۔

عہدیداروں نے بتایا کہ کل 19.781 ایکڑ اراضی بھون تعمیر ہے۔ حکام نے بتایا کہ اس میں سبری بلاک، اندرونی سڑکیں، گوداوری بلاک 8.781 ایکڑ پر سمبن بھون، 3.359 ایکڑ پر اولڈ نرسنگ ہاسٹل اور 7.641 ایکڑ پر پٹودی ہاؤس شامل ہیں۔ وزیر اعلیٰ نے پوچھا کہ ریاست کی تقسیم ایکٹ کے مطابق تلنگانہ کے حصے میں کتنی زمین آئے گی۔ عہدیداروں نے مطلع کیا کہ 8.245 ایکڑ زمین ہماری ریاست تلنگانہ کے حصّے میں آتی ہے۔ اور 11.536 ایکڑ اراضی آندھرا پردیش کو۔ جاے گی۔

وزیراعلیٰ نے عمارتوں کی موجودہ حالت، افسران اور عملے کی رہائش گاہوں کی حالت کے بارے میں دریافت کیا، یہ عمارتیں تین سے چار دہائیاں قبل تعمیر کی گئی تھیں، ان میں سے اکثر خستہ حالی کا شکار ہیں۔ اور ان کی مرمت کی جارہی ہے۔ اس سے پہلے، وزیر اعلیٰ نے عہدیداروں کو حکم دیا کہ وہ دونوں ریاستوں کے درمیان اثاثوں کی تقسیم پر توجہ دیں۔ اثاثوں کی تقسیم پر عہدیداروں کو کئی ہدایات دی گئیں۔