Imran Hussain 
ریاست تملناڈو کے مدورائی میں اتوار کو ہوئے سڑک حادثہ میں تین ایپا بھکتوں کی موت ہوگئی۔ ان تمام کا تعلق تلنگانہ کے ضلع ملگ سے بتایا گیا ہے۔ یہ حادثہ آج اس وقت پیش آیا جب بھکت سبریمالا آیپا سے درشن کے بعد واپس ہورہے تھے کہ ان کی کار حادثہ کا شکار ہوئی۔
اس حادثہ میں تین بھکتوں کی موت ہوگئی اور دو زخمی بتائے گئے ہیں۔ زخمیوں کو قریبی ہسپتال منتقل کر دیا گیا ہے۔ یہ حادثہ مدراس بائی پاس روڈ پر سبریمالا سے واپسی کے دوران پیش آیا۔
پولیس نے اس سلسلے میں مقدمہ درج کر لیا ہے اور واقعہ کی تحقیقات کر رہی ہے۔ حادثہ کیسے ہوا اورمہلوکین کے نام کیا ہیں اس تعلق سے مزید تفصیلات کا انتظار ہے۔
