چندرا بابو نائیڈو کی عبوری ضمانت منظور

حیدرآباد: آندھراپردیش ہائی کورٹ نے تلگودیشم سربراہ چندرا بابو نائیڈو کو اسکل ڈیولپمنٹ اسکام کیس  میں عبوری ضمانت منظور کردی ہے

اس کیس میں گرفتار ہونے کے بعد انھیں راجمندری جیل بھیج دیا گیا تھا، آج اے پی ہائی کورٹ نے انہیں عبوری ضمانت دے دی ہے۔ عدالت نے چار ہفتوں کے لیے ضمانت منظور کر لی۔ اے سی بی کورٹ کی جانب سے اسکل ڈیولپمنٹ کیس میں ضمانت دینے سے انکار کے بعد انھوں نے ضمانت کے لئے اس کیس کو ہائی کورٹ سے رجوع کیا۔

درخواست پر فریقین کے دلائل سننے کے بعد ہائیکورٹ نے فیصلہ محفوظ کردیا تھا جج نے آج  منگل کو اپنا فیصلہ سنایا اور عبوری ضمانت منظور کردی ۔ چندرا بابو کی جانب سے وکیل سرینواس کے ساتھ، ایک اور سینئر وکیل سدھارتھا لوتھرا اور اے اے جی پوناولو سدھاکر ریڈی نے ریاستی حکومت کی طرف سے دلائل دئے۔