کانوڑیوں کے، ڈی جے سسٹم کی ٹرالی ہائی ٹنشن بجلی تاروں سے ٹکرائی۔ 9 کانوڑی کی ہلاک

بہار: حاجی پور کے انڈسٹریل تھانہ حلقہ واقع سلطان پور گاؤں میں اتوار کی دیر شب 9 کانوڑیوں کی موت واقع ہو گئی ہے۔ بتایا جا رہا ہے کہ کانوڑیوں کا یہ گروپ ڈی جے سسٹم کے ساتھ ’جلابھشیک‘ کرنے جا رہا تھا، اسی دوران راستے میں ڈی جے سسٹم 11 ہزار وولٹ کے ایک تار سے ٹکرا گیا جس سے ڈی جے ٹرالی نے آگ پکڑ لی۔ اس کی زد میں آنے سے 9 کانوڑیوں کی زندہ جل کر موت ہو گئی ہے اور کچھ دیگر زخمی بھی ہوئے ہیں۔

خبر ملنے کے بعد سینئر افسران، پولیس، ایمبولنس اور فائر بریگیڈ کی ٹیم موقع پر پہنچی۔ بتایا جاتا ہے کہ سبھی کانوڑیے پہلیجا گھاٹ سے گنگا جل لے کر بابا ہریناتھ مندر جانے والے تھے اور ساون کی تیسری سومواری پر 5 اگست کو جلابھشیک کرنے کا ارادہ تھا۔ راستہ میں ہی یہ حادثہ پیش آیا۔

حادثہ میں زخمی ہوئے لوگوں کو حاجی پور صدر اسپتال میں داخل کرایا گیا ہے۔مہلوکین کے نام امریش کمار، روی کمار، راجہ کمار، نوین کمار، کالو کمار، آشی پاسوان، اشوک کمار، چندن کمار اور امود کمار ہیں۔ یہ سبھی سلطان پور گاؤں کے ہی باشندے تھے۔

یہ بھی پڑھیں:

مدھیہ پردیش : مندر کے احاطے میں 50 سال پرانی دیوار منہدم، 9 بچوں کی موت