Imran Hussain 
حیدرآباد کی ایک عدالت نے بیوی کے قاتل شوہر کو عمر قید کی سزا سنائی۔ یہ واقعہ حیدرآباد کے چکڑ پلی پولیس اسٹیشن کے حدود میں سال 2013 میں پیش آیا تھا۔ بالا کرشنا نامی شخص اچیا نگر علاقے میں اپنی بیوی رجنی کے ساتھ رہا کرتا تھا۔
اس دوران بالا کرشنا کے ناجائز تعلقات کسی اور خاتون کے ساتھ قائم ہو گئے تھے اور وہ یہ محسوس کر رہا تھا کہ اس کی بیوی اس کے ناجائز تعلقات کے درمیان رکاوٹ بن رہی ہے۔ اسی مخاصمت کے نتیجے میں اس نے چھرا گھونپ کر اپنی بیوی کا قتل کر دیا تھا۔
یہ مقدمہ نامپلی تھرڈ ایڈیشنل میٹروپولیٹن سیشنز کورٹ کے اجلاس میں زیر دوران تھا۔ آج عدالت نے مجرم کو عمر قید کی سزا سنائی۔
