Imran Hussain 
محکمہ بجلی کے ملازمین کی جوائینٹ ایکشن کمیٹی نے تلنگانہ حکومت کی جانب سے محکمہ بجلی کو خانگیانے کی کوششوں کی مذمت کی ۔ انھوں نے کہاکہ ایس پی ڈی سی ایل، این پی ڈی سی ایل، ٹرانسکو اور جینکو کو پبلک پراپرٹی ہونے کے باوجود پرائیویٹائز کرنا اشتعال انگیز ہے۔ انھوں نے حکومت کو متنبہ کیا کہ محکمہ بجلی کے ہزار ملازمین عوامی ادارے کو پرائیوٹ کرنے پر خاموش نہیں رہیں گے۔ پاور کمپنیاں اڈانی اور امبانی کے حوالے کرنے پر خبردار کیا ۔ حیدرآباد میں ایس پی ڈی سی ایل کے دفتر کے سامنے محکمہ بجلی کے ملازمین جے اے سی کے زیراہتمام دھرنا دیا۔
محکمہ بجلی کے ملازمین کے جے اے سی کے نمائندوں نے کہا۔ تلنگانہ کے چیف منسٹر ریونت ریڈی اور اڈانی گروپ آف انڈسٹریز کے سی ای اوز کے درمیان کیا معاہدہ ہے؟ ہمارا مطالبہ ہے کہ ڈیووس اور دہلی میں کیے گئے معاہدوں کو منظر عام پر لایا جائے۔ یہ کوئی خفیہ دستاویز نہیں ہے۔ یہ پبلک پراپرٹی ہے۔ جنکو، ٹرانسکو، این پی دی سی ایل اور ایس سی ڈی سی ایل عوامی ملکیت ہے۔ یہ تلنگانہ کے چار کروڑ لوگوں کے کرنٹ بلوں سے حاصل کیے گئے اثاثے ہیں۔
محکمہ بجلی کے ملازمین ایک بڑے شخص کے گھر کا کرنٹ کاٹنے کی صلاحیت رکھتے ہیں۔ اگر آپ کی سیاسی وابستگی ہے تو نہ کریں۔ لیکن ہم سوال کر رہے ہیں کہ وہ ایس پی ڈی سی ایل اور این پی ڈی سی ایل کی نجکاری کیوں کر رہے ہیں حالانکہ یہ ایک پبلک سیکٹر تنظیم ہے۔ انھوں نے سوال کیاکہ حکومت کو یہ حق کس نے دیا؟
جب یہ سب ہو رہا ہے تو مالک کیا کر رہا ہے؟ کیا ہم اپنے ملازمین کو صرف چھوٹی سی غلطی کرنے پر میمو جاری کرتے ہیں؟ اور سالانہ روپے500 کروڑ کا نقصان،ہونے پر آپ نے کیا کیا؟ حکومت نے کیا اقدامات کیے؟ ان کا جواب کوئی نہیں دے گا۔ بلوں کی وصولی اور سائوتھ سرکل پر بجلی چوری روکنے کا منصوبہ بنائیں۔ اپنے منصوبے میں رجسٹرڈ یونینوں کے صدر، سیکرٹریز اور انجینئرز کے ساتھ بجلی کے وزیر، ٹرانسکو، جینکو، ایس پی ڈی سی ایل، این پی ڈی سی ایل کے سی ایم ڈی کے ساتھ ایک کمیٹی تشکیل دیں۔ بجلی ملازمین کے جے اے سی نے مطالبہ کیا کہ جامع رپورٹ تیار کرکے مسئلہ حل کیا جائے۔
