Imran Hussain 
تلنگانہ اسمبلی کے اجلاس23 جولائی سے شروع ہونے کا امکان ہے۔ تلنگانہ قانون ساز اسمبلی کے اسپیکر گڈم پرساد کمار نے جمعرات کی سہ پہر مختلف محکموں کے عہدیداروں کے ساتھ اسمبلی کے انعقاد کا جائزہ لیا۔ اس میٹنگ میں چیف سکریٹری شانتی کماری، ڈی جی پی جتیندر کے ساتھ سرکاری وہپس رام چندر نائک اور آدی سرینواس موجود تھے۔
وزیر خزانہ بھٹی وکرمارکا اسمبلی بجٹ اجلاسوں کے پس منظر میں گزشتہ چند دنوں سے متعلقہ محکموں کے عہدیداروں کے ساتھ جائزہ لے رہے ہیں۔ وزیر جوپلی کرشنا راؤ نے جمعرات کو محکمہ ایکسائز کے مالیات کا جائزہ لیا۔ جائزہ صبح 11 بجے شروع ہوا اور شام تک جاری رہا۔
تلنگانہ اسمبلی کے اجلاس اس ماہ کی 23 تاریخ سے شروع ہوں گے۔ لیکن یہ واضح نہیں ہے کہ اجلاس کتنے دن چلے گا۔ ان اجلاسوں میں مکمل بجٹ پیش کیا جائے گا۔ اس کے علاوہ رعتو بیمہ اسکیم پر اہم بحث کا امکان ہے۔ معتبر ذرائع نے بتایا کہ ریاستی حکومت کی طرف سے میٹنگوں میں جاب کیلنڈر کا بھی اعلان کیا جائے گا۔
