Imran Hussain 
حیدرآباد پولیس نے کینسر سے متاثر سات سالہ بچے سائی کی پولیس عہدیدار بننے کی خواہش پوری کی۔ ریاست آندھرا پردیش کے گنٹور سے تعلق رکھنے والا معصوم لڑکا گزشتہ ایک سال سے کینسر جیسے مہلک مرض کا شکار ہے۔
لڑکا بنجارہ ہلز کے خانگی ہاسپٹل میں زیر علاج ہے، اس کی خواہش ہے کہ بڑا ہو کر پولیس بنے، اس کی اس خواہش سے دواخانہ کے عملہ نے “میک وش فاؤنڈیشن” کے ذمہ داروں کو واقف کروایا۔ انہوں نے پولیس کے اعلی عہدیداروں سے رابطہ قائم کیا اور سائی پولیس عہدیدار کی وردی پہنے بنجارہ ہلز پولیس اسٹیشن پہنچا اور وہ عہدیدار کی کرسی پر بیٹھا۔ پولیس عہدیداروں نے اس کا استقبال کیا اور اسے تحفے دئیے۔
