گنیش تہوار کے لئے حیدرآباد پولیس کی گائیڈ لائنس

حیدرآباد: گنیش چتورتھی تہوار کےلئے، حیدرآباد پولیس نے رہنما خطوط جاری کیے ہیں۔ گنیش پنڈال میں رات 10 بجے کے بعد لاؤڈ میوزک اور اسپیکر پر پابندی رہے گی۔ ساتھ ہی پنڈال میں لاٹریوں، شراب نوشی، اور پنڈال میں سیاسی یا اشتعال انگیز تقاریر پر پابندی شامل ہے۔

مورتیوں کی تنصیبات کے لیے کسی مستقل ڈھانچے کی اجازت نہیں ہے، اور مورتیوں کو سڑکوں یا فٹ پاتھوں پر نہیں رکھا جا سکتا۔ ایڈوائزری میں کہا گیا ہے کہ عارضی پنڈال مضبوط ہونے چاہئیں، جن میں ترپال سے ڈھکی چھتیں اور محفوظ برقی سیٹ اپ ہوں۔

منتظمین پر بھی لازم ہے کہ وہ سی سی ٹی وی کیمروں کے ذریعے مسلسل نگرانی کو یقینی بنائیں۔ حسین ساگر اور دیگر قدرتی آبی ذخائر میں وسرجن کے لیے پلاسٹر آف پیرس (POP) مورتیوں کا استعمال ممنوع ہے۔ اس کے بجائے، مختص کےلئےچھوٹے تالابوں میں وسرجن ہونا چاہیے۔

ایڈوائزری میں مزید زور دیا گیا کہ رضاکاروں کو ہر وقت موجود رہنا چاہیے اور پنڈال میں جوا اور شراب نوشی سمیت غیر قانونی سرگرمیاں سختی سے ممنوع ہیں۔