Imran Hussain 
حیدرآباد کے مضافاتی علاقہ جیڈی میٹلہ میں ایک شخص کا بے دردی سے قتل کردیا گیا۔ مقتول کی نعش جیڈی میٹلہ پولیس اسٹیشن کے حدود میں جنگلاتی علاقہ سے برآمد ہوئی۔
ابتدائی تحقیقات میں معلوم ہوا کہ نامعلوم حملہ آوروں نے کل رات اس کے سر پر شراب کی بوتلوں سے حملہ کرکے اسے قتل کردیا۔ مقتول کی شناخت ریاست بہار کے رہنے والے رمیش رام کے طور پر کی گئی ہے اوراس کی عمر 48 سال بتائی گئی ہے۔
قتل کی وجہہ فوری پتہ نہیں چل سکی۔ سی سی کیمروں (سی سی کیمروں) جائزہ لیا جارہا ہے تاکہ حملہ آوروں کی شناخت کرتے ہوئے انھیں گرفتارکیا جاسکے۔
