Imran Hussain 
حیدرآباد: پانچ سالہ زوہان خان جو کبھی گونگا اور بہرا تھا اس کی ماں نے، بی آر ایس کے ورکنگ پریزیڈنٹ کے تارک راما راؤ کی کلائی پر راکھی باندھ کر بیٹے کی صحت یابی میں اہم کردار ادا کرنے پر ان سے اظہار تشکر کیا۔
کے ٹی آر ایک وزیر اور لیڈر کی حیثیت سے اپنے مشکل وقت میں لوگوں کے ساتھ کھڑے ہیں۔ ان کی نیکی نے بہت سے لوگوں کو تسلی دی ہے، اور ایسے لوگ آج اس کے مداح ہیں۔ اس طرح کے بہت سے استفادہ کنندگان راکھی کے مبارک دن کے ٹی آر کے گھر آئے اور ان کی کلائی پر راکھی باندھ کر ان کا شکریہ ادا کیا۔
سب سے دل کو چھو لینے والی کہانیوں میں سے ایک جوبلی ہلز حلقے کے بورابنڈہ سے تعلق رکھنے والے زوہان خان کی تھی۔ پیدائشی طور پر سماعت کے مسئلے کے ساتھ پیدا ہوئے، زوہان کی حالت زار سوشل میڈیا کے ذریعے KTR کی توجہ میں آئی۔ انھوں نے فوری طور پر جواب دیا، بچے کے ضروری علاج کو یقتینی بنایا، اور اس بچے کی زندگی میں قابل ذکر تبدیلی لائی۔
آج پانچ سال کی لڑائی اور علاج کے بعد زوہان اپنی عمر کے دوسرے بچوں کی طرح سن اور بول سکتا ہے۔ کنبہ نے اظہار تشکر کے طور پر کے ٹی آر کی اپنے گھر پر میزبانی بھی کی تھی۔ آج، زوہان کی والدہ نے KTR کی رہائش گاہ کا دورہ کیا اور ان کی کلائی پر راکھی باندھی، اس کے روشن مستقبل کے لیے اپنےنیک خواہشات کا اظہار کیا۔
