Imran Hussain 
حیدرآباد پرانے شہر کے علاقہ جل پلی میں واقع ایک فارم ھاوس کے سوئمنگ پول میں تیرنے کے دوران الیکٹرک شاک لگنے سے 3 خاندان کے چند افراد ہاسپٹل منتقل ہوگئے۔ یہ حادثہ جمعرات کی رات پیش آیا۔
حیدرآباد کےنامپلی آغاپورہ علاقے سے تعلق رکھنے والے تین خاندان کے 50 سے زائد افراد تفریح کے لئے جل پلی کے ایک فارم ھاوس گئے تھے ان میں چند افراد جن میں زیادہ تر بچے ہیں رات کے وقت سوئمنگ پول میں تیرنےکےلئے پانی میں اترے تھے۔
بتایا جاتا ہے کہ سوئمنگ پول کے پاس ایک برقی وائر جس کا کچھ حصہ کٹا ہوا تھا پانی میں گر گیا۔جس کے نتیجے میں برقی رو سیومنگ پول کے پانی میں دوڑ گئی۔ اور سوئمنگ پول میں تیرنے والے افراد کو برقی شاک لگنے گیا۔ فوری طور پر ان تمام کو ہاسپٹل منتقل کردیا گیا۔ جہاں ان کی طبیعت مستحکم بتائی جاتی ہے۔
