Imran Hussain 
حیدرآباد میں فارمولہ ای ریس کی منسوخی پر ریاست کی اصل اپوزیشن پارٹی بی آرایس کے کارگذارصدرتارک راما راو نے حکمران جماعت کانگریس پر تنقید کی۔
کے ٹی آر نے کہاکہ فارمولہ ای ریس کی منسوخی کو کانگریس حکومت کا خراب دور اور ریاست کو پیچھے کی طرف لے جانے والا قدم قراردیا۔ انہوں نے کہا کہ حیدرآباد میں ای۔ پری جیسے ایونٹس دنیا بھر میں ہمارے شہر اور ملک کی برانڈ امیج کو بہتر بناتے ہیں۔
کے ٹی آر نے ‘ایکس’ پر کہا کہ ہم نے فارمولا ای۔پری کو پہلی بار ہندوستان میں لانے کے لیے کافی محنت اور وقت لگایا تھا۔ کے سی آر حکومت نے ایک موقع کے طور پر فارمولہ ای ریس کا استعمال کرنے کی پہل کی تھی تاکہ ای وی کے شائقین، مینوفیکچررز اور اسٹارٹ اپس کو راغب کیا جائے اور وہ حیدرآباد کو سرمایہ کاری کے ایک پرکشش مقام کے طور پر پیش کرسکیں۔
کے ٹی آر نے کہا کہ بی آر ایس نے ریاست کو پائیدار موبلٹی سلوشنس کے مرکز کے طور پر فروغ دینے کے لیے تلنگانہ موبلٹی ویلی کا بھی آغاز کیا تھا۔ملک میں پہلی صرف حیدرآباد میں فارمولہ ای کار ریس منعقد کی گئی تھی۔
