تلنگانہ سے 7811 عازمین حج کاقرعہ اندازی کے ذریعہ انتخاب۔ پہلی قسط اور دستاویزات اندورن ہفتہ جمع کرنے کا مشورہ

مرکزی حج کمیٹی کی جانب سے دہلی میں قرعہ اندازی کی گئی۔ ریاست تلنگانہ کے عازمین حج کا کوٹہ 7811 مختص کیا ہے۔ تلنگانہ کے لئے جو کوٹہ الاٹ کیا گیا اس میں 70 برس سے زائد عمر کے 376 عازمین اور بغیر محرم کے سفر کرنے والی 45 برس سے زائد عمر کی 130 خواتین شامل ہیں۔

تلنگانہ کے لئے 7811 کا جو کوٹہ دیا گیا 3502 کو ویٹنگ لسٹ میں رکھا گیا ہے ۔ ایگزیکٹیو آفیسر تلنگانہ اسٹیٹ حج کمیٹی شیخ لیاقت حسین نے بتایا کہ ریاست تلنگانہ سے 11,313 عازمین کی درخواستیں موصول ہوئی ہیں۔ منتخب عازمین کو ایس ایم ایس کے ذریعہ اطلاع دے دی جاچکی ہے ۔

منتخب عازمین حج کو مشورہ دیا گیا ہےکہ وہ آن لائن درخواست فارم کی ہارڈ کاپی اصل پاسپورٹ ایک عدد پاسپورٹ سائز تصویر پہلی قسط 81,500 روپئے اندرون ایک ہفتہ داخل کریں۔ میڈیکل فٹنس سرٹیفکیٹ درخواست گزار عازمین سے قرعہ اندازی کے 300 روپے بطور سرویس چار جس وصول کئے جائیں گے۔

حکومت ہند اور حکومت سعودی عرب کے درمیان حج 2024 ء کے لئے جو معاہدہ طے پایا ہے اس کے تحت حج کمیٹی کے لئے 140020 کوٹہ الاٹ کیا گیا ہے۔ حکومت ہند کو جملہ 175025 کا کوٹہ دیا گیا ہے جس میں سے 80 فیصد کوٹہ حج کمیٹی کو الاٹ کیا گیا ہے۔

ہر 300 عازمین حج پر ایک خادم الحجاج کا انتخاب کیا جاتا ہے۔ اس طرح سے اس سال ملک بھر سے 466 خادم الحجاج کی روانگی عمل میں آئے گی۔ عازمین حج مزید تفصیلات کے لئے دفتر حج کمیٹی سے اوقات کار کے دوران راست طور پر یا فون نمبر
04023298793 پر رابطہ کرسکتے ہیں۔