مٹن کیلئے جھگڑا۔حیدرآباد میں نوجوان کا قتل

حیدرآباد ۔ مٹن کے لیے ہوئے جھگڑے میں حیدرآباد میں ایک شخص کی جان چلی گئی۔ یہ واردات سکندر آباد تکارام گیٹ پولیس اسٹیشن کے حدود میں اتوار کی رات پیش آئی۔ پولیس کے بموجب چاری اور اجئے نامی دو نوجوانوں نے کل رات شراب نوشی کی۔ اس کے بعد مٹن کھانے کے مسئلہ پر ان دونوں کے درمیان جھگڑا ہوا۔

چاری نے خنجر سے اجئے پرحملہ کر دیا جس کی وجہ سے اجئے شدید طور پر زخمی ہو گیا تھا اور اس کی موقع پر ہی موت ہو گئی۔ اطلاع ملتے ہی پولیس نے وہاں پہنچ کر نعش کا پنچ نامہ کیا اور اس سلسلہ میں قتل کا مقدمہ درج کر کے تحقیقات کا آغاز کر دیا گیا۔